Vår organisasjon

Matfiskproduksjonen i sjø skjer i dotterselskapa Eide Fjordbruk AS og Norforsk AS. Settefiskproduksjonen skjer i dotterselskapet Eide Smolt AS, samt i det tilknytte selskapet Ænes Inkubator AS. Salmon Eye AS driftar konsernet sitt visningssenter Salmon Eye® og restauranten Iris. Slakteriverksemda skjer i det tilknytte selskapet West Harvest AS. Eide Seafood AS og Ydmyk Milano S.r.l. vil være salsselskapa i konsernet, medan Eide Båt AS leverer driftstenester og båttenester til produksjonsselskapa i konsernet. Watermoon AS og dotterselskapet Watermoon Scotland Ltd utgjer til saman satsinga på utvikling og kommersialisering av vår nye teknologi for framtidas havbruk – Watermoon®. ​

Konsernet har i tillegg investeringar i ei rekke andre tilknytte selskap. Hålandsdalen Utbygging AS og Skjelbreid Poiree er lokale investeringar innan eigedomsutvikling og drift. Searis AS er eit norsk teknologi-selskap. Sjømatstaden AS er eit utviklingsprosjekt i Nordfjord i lag med Kvernevikgruppa som satsar på kommersialisering av nye artar. Bruravik Utvikling AS er eit eigedomsselskap og Miljø og Havbruk AS driv med behandling mot lakselus.​

Denne rapporten omfattar alle konsernselskapa, men dei fleste vesentlege emna er berre knytt til oppdrettsverksemda i Eide Fjordbruk AS og Norforsk AS. Definisjonen av konsernselskap er selskap der Eide har bestemmande innflyting i selskapa, normalt ved eigarskap av meir enn 50% av stemmerettane i selskapet. Same selskap er omfatta av både bærekraftrapportering og finansiell rapportering i den konsoliderte årsrekneskapen.

‍